أولاد علي ( ترهونة )

مرحبا بكم في منتداكم
أولاد علي ( ترهونة )

اجتماعي يهتم بقبيلة أولاد علي بترهونة ليبيا

المواضيع الأخيرة

» (( تهنئة بالسنة الهجرية الجديدة ))
الأربعاء 29 أكتوبر 2014 - 9:57 من طرف صلاح الدين العلوي

» (( تهنئة لجميع الشعب الليبي بمناسبة فوز منتخب ليبيا ببطولة افريقيا ))
الثلاثاء 4 فبراير 2014 - 9:08 من طرف صلاح الدين العلوي

» (( كل العام والجميع بالف خير ))
الثلاثاء 31 ديسمبر 2013 - 9:08 من طرف صلاح الدين العلوي

» (( قبائل ترهونة المجاهدة ))
الثلاثاء 3 ديسمبر 2013 - 10:15 من طرف صلاح الدين العلوي

» ((( صور من مدينتي ترهونة )))
الخميس 12 سبتمبر 2013 - 9:12 من طرف صلاح الدين العلوي

» (((((( قبيلة أولاد علي بترهونة ))))))
الخميس 12 سبتمبر 2013 - 9:10 من طرف صلاح الدين العلوي

» ((( مسجد ترهونة )))
الأحد 9 ديسمبر 2012 - 10:49 من طرف صلاح الدين العلوي

» ((((( مدينة ترهونة الجميلة )))))
الأحد 9 ديسمبر 2012 - 10:43 من طرف صلاح الدين العلوي

» (((((( ترهونة الفاتنة ))))))
الأربعاء 17 أكتوبر 2012 - 11:20 من طرف صلاح الدين العلوي

التبادل الاعلاني

    * رسائل نقال جميلة جدا *

    شاطر

    صلاح الدين العلوي
    Admin

    عدد المساهمات: 22
    تاريخ التسجيل: 15/04/2010
    العمر: 45
    الموقع: طرابلس ليبيا

    * رسائل نقال جميلة جدا *

    مُساهمة  صلاح الدين العلوي في الثلاثاء 13 يوليو 2010 - 13:14

    هناك ناس حبايب
    وهناك ناس تكرهْم بْغير سبايب
    ولا عقل عامر كيف عقل الخايب
    ولا وْجوه تَنْدى كي وجوه بخيله


    هناك ناس يا مَحْلاهم
    وهناك ناس ما تَقْدر تعيش بلاهم
    وهناك ناس حسْدِيَّه وسُود نْياهم
    ثْياب بِيض من بَرَّه وجَوَّه نِيله



    هناك ناس ما تَقْبلهم
    وهناك ناس لك غايه تْجول لْهَلهم
    وهناك ناس لا دارَوْا خَطَا تحملهم
    وهناك ناس في عَقْلك لهم تجْفيله
    وهناك ناس عالحَيِّين لا تجْملْهم
    اللي تْجيك منهم مالْها تبديله
    ولا يفْرقْوا ظنِّي الا بْعَمَلْهم
    ما حَدْ علي التّسْعه مْزَوّد لَيْله

    هناك ناس ما يَنْسوا اللي صارْلهم
    يردُّوه بعْباره ووافي كَيْله
    وهناك ناس لا هبّْ الهْبوب خَبَلْهم
    ونسْيَوا اللي عدَّى وضاع جميله
    ولا خير في اللي ما يْبات عَلَلْهم
    ولا في الخَلِيل ان كان فاتْ خليله



    هناك ناس يا مَبهاهم
    وهناك ناس تُوعدْهم وما تَلقاهم
    وان قابلتهم تَلقى العَذَارْ معاهم
    مْجَهّْزيَّنه ما عندهم تعْطيله
    كلامْهم اللي قالَوْه ضدّ نْياهم
    ان كان بَحّروا ينْوُوا على التّقبِيله
    احتار في مْوَدّتهم اللي ماشاهم
    مربّْيِينَّه شاطب وحَار دليله
    لصحاب كيف في صفّ العدو تلقاهم
    صحْبتْهم مْعاك مغير نَصْب وحِيله
    قِريب نقْصهم منَّك بعيد وفاهم
    مَشْيُول عالدّبَر في حمْلهم تمْيِيله
    مفتوح عالخْساره بَيْعهم وشْراهم
    السّتْرَه مْع بو صَحْبَين قليله

    هناك ناس اماره
    وهناك ناس ما ظنِّي يساوُوا باره
    وهناك ناس تلقى سَعْيهم في الكاره
    وأرزاق واجْدَه غير النّفوس بخيله
    والمال في قليل العزْم راهْ خْساره
    حتى وهُو حَكيم بعلْم في تعديله

    وهناك الفقير وما يسَيّب عاره
    حتى إن كان ما عنده الْيَدّ طويله
    وإن ما كان في جَيْبه قضي من جاره
    علي قيْس نِيتَه ربّْنا يعطي له
    مَوْكار الصْقُوره ما تْجيه حْبَارى
    ولا مْرَوّمَه تَلْحَق ثمَنْ لاِصيله
    وحظّك اللي ترْميه مالبذّاره
    يَطْلع بْعَينه تحْصدَه وتْشِيله

    شْوف الجمّل حتى إن خفّ عْباره
    صِليبه علي حمْلَه اخْرى ترْمِي له
    شديد العَصَب حَمَّال في مشواره
    قطّاع الفيافي وين مَدّ رحيله
    إن راد ربّْنا ما حَدْ يسيِّب كاره
    الرّاس راسْ والواطي ان زال وذيله



    هناك ناس يا مَبسَلْهم
    لا غَريب يَقْبلهم ولا من هَمْهم
    وهناك ناس في الحَيِّين شَيْن عَملْهم
    ذكَرْ نخِيل لا رَمْيَه ولا تظْلِيله
    عَلْقم وحَنْظل وين ما تاكلهم
    وان رافقتهم يبْقَوا عليك عَدِيله
    وان نازلتهم بالدّار جار لْهَلهم
    علَيْ عيْب عَيّل يجْردُوا بالعَيْله
    علي جارهم ديما يزيد عَلَلهم
    قْلال الْعنَا لا جَتْ الدَّلو ثقيله



    هناك ناس تكرههم من اوّل ليله
    وهناك ناس ما يهُونوا سْنين طويله

    1- الله لايغيبهم اللي ينشدوا من غير مانعاتبهم ...غوالي علي الله لايغيبهم....
    2- حفنه حفنه القلب ماينساك غير بدفنه .... ديمه غلاك ايزيد... حفنه حفنه
    3- نسكت ونسنط سطير عظامي... عندي خير ماتسمع الناس كلامي
    نكمي سري ...وفي خاطري انشيله..خيريوشري
    ولا الناس تعرف ماشربته ...مري
    ولاحد يعرف ماجناته ايامي ؟؟؟؟
    4- هاج البحر ينشد الغالي وينه
    قتله رحل بان الزعل في عينه
    بقى خاطره متكدر .... لونه تغير والكلام اتعدر...
    ترابه ارقي للسطح ...صار ايهدر...
    وهدت امواجه لن طقت..فينا...
    5- يااااصقر لاتنزل منازل بومه... انزل منازل عالية مقيومع
    6- موج البحر يسحب ايريد الساحل... واناموج قلبي في غلاكم واحل




    أنت حبيـب الجلسـة
    وضي المكان وشمسه
    والغالي أصله غالـي
    والحلو يفرض نفسـه

    * * *

    أحنا العين وأنتـم نظرهـا
    وأحنا الأيد وأنتم الأصابـع
    وأحنا الأرض وأنتم مطرها
    بلاكـم تصيـف المرابـع

    * * *

    الصبر عند العرب مـر
    وعند العوارف شجاعـة
    أشريها يا صاحب العرف
    كان رأيت مهبول باعـه

    * * *


    لي عين تسكب كما السيل
    ولي قلب كاثر خيابـــه
    والليل يا مطــول الليل
    على اللي مفارق أحبابـه

    * * *

    أخيـار الأولاد سيـف
    وأخيار البنات الرزينـه
    واللي عقله شويــــه
    يا خسارته وين زينــه

    * * *

    عندي ثـلاث حاجــــات
    يــارب منهن عطينـــي
    أرد السيئة بالأحســان
    وصبري وتتبيع دينــي

    * * *

    أنتم غلاكـم بالقلب مالـه قيــــــاس
    وأنتم ربيع الروح وانتم سماهـــــا
    في حبكم مغرم من الساس للرأس
    مثل البحور السبع واللي وراهــــا

    * * *

    هــذه صفاتــك
    بوبح
    نونح
    بي
    فيفخ
    فيرظ
    فيطل
    أقراء من اليسار يا حلو.

    * * *

    يـا بعيد الدار واحشني كلامك .. صبري طال و ماجانـي سلامك

    * * *

    وين ما الليل أيجيها تسيل فاقدة غالي عزيز عليها .. العين باكيه

    * * ***
    دورت شـــيء في داخلــي يزعلنى منك ..
    لقيت حتى الزعل في داخلي راضي عنك

    * * *
    ما نرافقـوا غير زين ولد أجواد مرفوع شانه ..
    يعرف دؤانا ودانــا ..
    ولا تجيك منه خيانة !

    * * *

    وين ما نقول بننسى .. إيجي طيفهم يشغل حواسي الخمسة ..
    ايجى طيفهم يشغلني ويهجر عيونى النوم ويسهرني ..
    ويسيطر عليا إحساس ويحيرني ..
    كيف ماسهرت الليل نصبح نمسى ..

    * * *

    مش كل من غاب نحسب له ويشغل الخاطر إغيابه ..
    ولا كل منحــاز نتعب له ونقصد إدياره وبابــه ..
    ولا كل ميعاد نرغــب له وتغريني جلسة أصحابه ..

    * * *

    مازال عنـدي يا عـزيز أسرارك
    ومازلــت فــي تذكــــارك
    ومازلت عاشق في سماع أخبـارك
    ومازال طيفك في المنـام يشـارك
    ومازال قدرك فوق مـن مقـدارك

    * * *
    لا تشيـل هـم السيئـه ..
    ولا تقول دنيا ضاقت اليوم عليّ ..
    بعد تنعقـد تنحل طيـه بـطيه ..
    ويأتي الفرج في وقت ما تدريبـه

    * * *

    الخاطر إيصبح والصباح عليكـم
    ويـ بخت من كاين صباحه فيكم
    والخير خيرك والصبح صباحـك
    وأشواق قلبي اتجيك في مطراحك " صباح الخير "

    * * *

    ساكـن خاطـري وإحساسـي
    يا ما ورد عطشان قاصد كأسى
    ومن بئر حبه بالحنين سقانـي
    ومازال عطفه في الغرام أساسي
    ومازلت غيره مـا نوالف ثانـي

    * * *



    يـ بدر وين تشوفـه ..
    سلملي عليه وشوف كيف أظروفه ..
    راهـى عليه اكبيدتي ملهوفــه
    ومازال هو همي وبيت قصــدي ..
    ويـابدر ناظرني وناظر حبيبــي
    جديد هات لي منه وخوذ جديـدي

    * * *


    فاقد غلاك وخاطري متضايق ..
    بعد غيبتك كيف يمسى الخاطر رايق ..
    دقيت هاتفك ما قصدي إزعاجك
    فاقد غلاك والقلب داعيلك وين ما أتخطى الخير إيجيلك



    إحذر أن تسلم للغير زمامك،فيصبح من كان وراءك أمامك،مثل النذل الذي لا يكفيه دمارك بل يريد أن يبني نفسه من حطامك

    أي محبه وأي عشره وأي حنان؟؟
    وأي شوق اللي انت تتكلم عليه؟؟
    يعني واثق ان باقي ك مكان؟؟
    وإن قلبي يرد لو ترتجيه؟؟
    قلبي اللي غلطته حبك وصان
    لو يصافح قلبك كنت اقطع له ايديه
    اي محبه بعد مافات الأوان؟؟
    اي حنان اللي تبي تعوضني فيه؟؟
    وين كنت يوم انا احتجتلك زمان؟؟
    وين حبك يوم انا ميت عليك؟؟
    روح للي لأجله بعت الحب زمان
    بس لاتنسى تسلملي عليه‍‍!!!

    دقة دقة العين طالبة مني عزيز اتحقه لوبس يازمان اتعود دقة دقة

    -كلا كلا لا ندير غيره لا نجيب محله عزيز غالي علي كلا كلا

    جرعة جرعة انكانك نويت البعد ليش السرعة اسقيني مرار الهجر جرعة جرعة

    قطرة قطرة يحساب الغلى ايجي بالفطرة سقاني امرار الصوب قطرة قطرة

    قداش يا قلب تشتاق وقداش تالف غوالى وقداش حامل فراق وقداش ساهر ليالى

    قاسي عليا ألوقت/ وقاسي علياقلب فيه عشقت/أكرهت ألحياه مهموم واضايقت/قاسي وناسي ياحبيب جفيت.. لايوم متهني وجنبك رقت /ولامسج لياليش مادزيت/كلمه أخيره ليك صح أشتقت
    16- جذب مستاصل مابا ايفك الغيم عليا أو تمطر هك .
    17- اشبوب اقساما لط ونانبذر قدامه ... يالوريت اشبوب اقساما .
    18- ان درت عزم علي لولاف .. يلويني ارياف ايجيبنى .
    19- مقتول يا البعيد عليك برياف نين روحى تالفه .
    20- جديد للغلاء نبيه ... يحرث عقاب كبدي الذايبه .

    صوتك حنون ودوتك ركاحي وانفاسك دفى ودواء لجراحي ... صوتك حنون عشقته زي العسل ادمنته وعلى صوت نبضاتك الهم دفنته بقيتي ونس ليلي ونور صباحي ... صوتك بقى وناسي ومع همستك نفقد جميع حواسي .

    v انت عندي للعين نظر .. بلاك عيوني تنظر كيف .. انوالف غيرك مانقدر .. اطمن ياسمح التوصيف .. على بالي مايوم خطر .. اني خاطيك اندير وليف .. انت سكر ساقيني مر .. انت للمدمن كاس وكيف .. وانت الغيم الماطر .. وانت ظلى في وان الصيف .

    v مانك رخيص علينا غير الظروف معاكسة ولهينا مازلت غالي .

    v مازال لي ابعاد .. ومازلت ديمة على القدم نشاد .. ومازال قلبي بالغلا وداد .. ايزيد في عطاه مع الخليل عطاه .. ومازلت نعشق سمحة المعياد ونرايف عليها ان حازها الجفا .

    v مهما عليك انغيب .. والايام تبعد بيا .. قاعد معي قريب .. ماهنت يوم عليا .. سريبي معاك سريب .. فايت حدود الغية .. وان كان عندك عيب .. بعيبك تعز عليا .

    v مازلت صاحب وافي .. انرايف على اللي يشعروا بريافي .. وانصافي .. اللي قلبه معايا صافي .. واللي غلاه في القلب ماهو خافي .. اني نقدره ويكون اعز اولافي .

    v لا طرابلس جابت شبيه خيالك ولا بنغازي رافقها شبيه غزالك .. مافيش كيفك زول وانت شبيه الخمر في المفعول .. وانت اصول الفعل والمفعول .. وانا قدامك فاعل باني حبه بيك على طول .

    v ياقلب قيم الصوب امعاهم .. عرب مالفا عالعين من يسواهم .. ياقلب صوبك قيمة وراعي غلا لولاف ديمة ديمة .. ياعين كوني في غلاك سقيمة .. ولا تنقصي في قول يوم معاهم .

    v مازال شاغلني وننشد عنه .. قليل الخير ماينشد عليا كنا .

    v ان كان غير كاتب غلاك بسطور .. تراني نقشته بالدهب ماتمحيه بحور .

    v نزعل ونرضى ايحن قلبي ليكم بلا رادتي نرمي الزعل ونجيكم .

    v ماكان ودي في الحياة ننساكم .. ولكان قلبي لغيركم مفتوح .. ولكان طبي طب غير دواكم .. ولاكان نبض خاطري مجروح .. ولا كان بالي يرتجف لولاكم .. ولا كنت سري للغيرب انبوح .. ولا كان عندي هم غير رضاكم .. ارضوا عليا يا ساكنين الروح .

    v انت الغلا كله وانت السؤال الصعب وانت حله .. وانت خيال الروح وانت ظله .. وانت عزيز القلب وانت خله .. وانت سواد العين والبياض كله .. وانت وانت وانت سرقت العقل والفكر كله .

    v كل الهموم وكل ما كنت اعانيه يروح لحظة ما اتخيل عيونك .. في غيبتك قلبي فقد من ايسليه .. من كثر حبك حلف مايخونك .. في غيبتك قلبي تحطمتت امانيه .. كرهت انا العالم وحبيت كونك .. في داخلي احساس اجهل معانيه .. بس الاكيد المشاعر يبونك .

    v ودي الرحيل معاك .. وين ما تشيل خطاك .. نرحل بلا تفكير .. قلبي معاك ايطير .. ونبقى قريب احداك .. انا اندللك ونزيدك .. ونبقى الشموع لعيدك .. نرحل معاك انعدي .. مانفارقك من يدي .. والعمر كله فداك .

    v سلامي للي ماعنده مثيل انصون وده ونزيده غلا .. يخطر زوله وطيفه الجميل نضمه بين جفون عيني والغطاء .ز كيف البدر في ظلمة الليل .. ومثل الشمس في قلب السماء .. ماننساه لوطال الرحيل يبقالي في شوفه رجاء .

    v اسمعت ابكا قفزت من نومي عزقت غطى .. اثاريتها عيني سمعت ابكاها .. خاطر عليها صوب تحت غطاها .. تاريتها تذرف الدمع كساها .. وانا بقيت ماعندي قرام عزا .. وعدتها بكره تشوف امناها .. سكتتها وتميت نذرف نا .

    v مازال شوقي قاعد ومازال حتى انكاني متباعج .. ومازلت نسعى للرفق وانساعد .. ومازلت مانرضاش عيبة فيكم .. انجيكم ومش عارف ليش انجيكم .. نمشي وانا مازال شوقي فيكم .

    v العين رايفت راهي تريد اتشوفك .. خديت ذنبها والذنب فوق كتوفك .

    v سر ياقلم واكت من المدح ماطاب .. من اللي جزيل المدح يستاهلونه .. ناس مزايين الرجاء فيهم ماخاب .. الرح والقلب فداء لهم لو يطلبونه .. اكتب لهم شيك محبه مفتوح الحساب .. يسحبون من رصيد الغلا وابد ما ينقصونه .

    v انا من عزني بقلبه .. اعزه بكل مافيني .. اسميه الغلا كله .. وعلى كيفه يسميني .

    v القلوب الوفيه ما تنسى ساكنيها .. وقلبي بالمحبة يسلم على اغلى من سكن فيها .

    v رافقت واجد من رفقاني .. مالقيت واحد رفقته حقاني .. رافق اللي ايصونك وين يبرمن الايام يفزع دونك .. ما ترافق اللي يغدرك ويخونك في الوجه يعجبك وفي القفى تعاني .. الصاحب اللي ماتلقاه وقت الشدة قوله شحالك من بعيد اتسده .. الصحاب في وقت الوسع مامنهم في وقت الضيق ماتلقاش واحد منهم .. غني قلب ماني غني مال .. مبسوط غير شاقي قاعدلها تحت الاظلال حاسب حساب الفراق .

    v عالصدق عشنا والوفاء شيمتنا .. مهما ابتعدنا غاليا عشرتنا .. من ايعزنا انعزوه .. واللي يودنا انودوه .. مايوم يندم على رفقتنا .

    v خدوا العقل خلوني اندوح وراهم .. اعزاز مانقدر انعيش بلاهم .. نارهم ولاعة .. اعزاز ما انطيق نبعد عنهم ساعة .. خدوا العقل خلوا خاطري بوجاعه .. ايخمم على مقعد جديد بلاهم .

    v مازال فيكم شوقي .. ومازال يجري دمكم في عروقي .. ومازال رفقتكم ذهب في سوقي .. مرايف عليكم مو ناسيكم .. انجيكم مش عارف علاش انجيكم .. نمشي ونا مازال شوقي فيكم .

    v ندفن حسه ونقطع عروقه ونقتله وندسه قلبي ان كان نسيكم .. انسل وريده حتى مكانه نحرقه ونبيده .. وان كان شكا من النار نار انزيده .

    v الغياب ماهو جفا .ز والحضور ما هو وفاء .. والاهم شوق القلوب حتى لو الشخص اختفى .

    v وحق الغلا ما تهون ولا تنهان مادام عندي نبض في الشريان .. ماننساك ولاندير في الغية عزيز معاك .. مشغول خاطري بغية ربيع غلاك .. يانهر غامرني بسيل حنان .. وايهون كل العمر في مرجاك ومحال ياخدك النسيان .

    v مراسيلك اترد الروح تجبرخاطري المجروح عساني ما انحرم منك ولا مني تجيك جروح .

    v ودي اجيكم ملهوف .. عابر كل بحور الخوف .. بس كل شي ضدي الدنيا وحظي والظروف .

    v طير وعدي وين توصل شور الغوالي هدي عليهم مرايف لين واصل حدي .

    v وين الدنيا وين عربها .. وين عيون سماح هديها .. وين اصحاب الفزعة ديمة فزعتهم للعين طربها .. وين اصحاب الروح احبابي بسمتهم ديمة مقربها .. ياريت ايعودن ليام ويعاود للعين طربها .

    v سلام ياهل الجود والطيب والعز يللي لكم في الصدر قدر وعزة .. القلب من فرقا الاجاويد يهتز .ز مثل الشجر يوم العواصف اتهزه .. في قربكم كل المخاليق تعتز .. وعيني لكم تشتاق في كل حزة .

    v ياكحيل اهدابه انا المتهم وانت وكيل نيابة .. افرج عليا دير افراج متخليش عقلي للغلا محتاج .. غارق بحورك شايلتني امواج .. نبي رحمتك للقلب بيك عدابه مرواج حضرت جنابك من اسباب اسبابه .

    v دورت شي في داخلي يزعل عليك .. لقيت حتى الزعل في داخلي راضي عليك
    ************************************************** *********************
    عندى أصحاب عالصحبة ولايل ::: وقت الضيق ديما واقفين
    أسماح القول وأسماح الفعايل ::: كيف الكنز معياره ثمين
    أن صار أغياب جت منهم رسايل ::: رسايل شوق مليانة حنين
    يداوو الجرح ويحيدو العلايل ::: ويردو الفرح للقلب الحزين
    ************************************************** *******
    لاباس كنك
    ماسمعنا رنك
    زعم غيبتك مشغول و الا ناسي.
    {كنك=لماذا}
    *-*-*-*
    سلامي على سمح للباس
    بو خدود كيف الوقايا
    فنارات فيدين حراس
    عقاب ليل دارن ضوايا.
    {الوقايا=دينار الفضه}
    *-*-*-*
    لا ثيرني بعيونك
    وترميني شظايا نجم خارج كونك
    ونبقى انعاني نرتجي في عونك
    وانت عليا بجفا متجني.
    *-*-*-*
    صابني تصدع
    في صف اظلعي الايسر
    و السبب خفقان قلبي اتجاهك.
    *-*-*-*
    دزيتلك مرسول وانتي دزي
    هاتي الدواء و الا تعالي عزي.

    يا عزيز خذيته, دليل خاطري شورك وما رديته,الله ايسامحك

    مانك رخيص علينا أمغير الظروف امعاندة ولهينا

    ايسلم عليك العقل والسلام أمانة يقولك غلاك زاد ما نقص ميزانه

    يا مشكاهن الانظار ما غلا غيرك جديد ملاهن انت عزيز العين

    مجبور ديمة رنتك نسمعها خلك علي حنون ما تمنعها

    أمسي علي من قلبي حبهم أمسي علي من ترتاح روحي لوصلهم مساك حلو يا أغلاهم كلهم

    كل البشر حلوين بس أنت لك ميزة واللي مثلك يدخل القلب وما يحتاج فيزة

    فقدناكم ولو نقدر بوسط الحلم جيناكم وحشتونا وما ندري لو كنا وحشناكم....

    وراكم هابل..كيف من قطف وردة من حدائق بابل ..العقل دوم ينشد..

    الخاطر وين أنقول يروق ..ايظل قلوق..علي اللي ما كيفا مخلوق
    ************************************************** **********
    انحايل علي روحي انقول نسيتك.... فوق الغلا %D



    * يشبه نهار القبلى .. صهد وعجاج وريح منهن مبلى نهار غيبتك يشبه نهار القبلى .
    * كبير أريافها ..مستاحشه إلضحكت عيون أولافها لى عين ياجافى كبيرأريافها
    * إيزيد غششهن .. إيجى دمعهن غالب هذوب رمشهن عزاز وين يخطرو .
    * رإنشوفك لمحه .. إشتاق خاطرى يابوا ملامح سمحه صبرى كمل نبى إنشوفكلمحه .
    * فى وين مانرمى الخطاء فوق الوطاء نلقاك فى خطواتىوفىوين مانرفع دعاء لرب السماء نلقاك فى دعواتىإنت ونس للرجل وإنت دليل العقلوإنت الحياة والأجل للى مضى والأتى .
    * فرقت عزامى نا إمغير تنطرىتنزح العين بكا يابال تنضركفرقت صبرى فرقت عزام العين فرقت عمرىإنهفىعليه اليوم طافى جمرى بعد غيبتك ماريت يوم زهاإنت إنجومى والربيع وقمرى وإنتأرياح العون وإنت نا .
    * ماعاد عندك رحمه .. سكاكين حبك هاجمات بزحمه ليالقسا ماعاد عندك رحمه .
    * عندك شك ...... ومنى خذيت الروح تمت لك ...... بعدالغلا او مازال
    * ما اضنون اتشيلكمازلت نا نورك ونا قنديلكلو غبتعنك ما يحير دليلك
    ولا يجيب عقلك بين هك او هك
    * عينىاختارتصوبك او ودك وما بديلك دارتلوكان عند الموت روحى طارت
    روحك امعاىاتعيش ما تنفك
    -1- ترفع رموش الشوق وتواطيها يسيل دمعها يخطر عزيز عليها العينرايفت
    -2- جضيت ياقديم أمعاك........تكميدك علي قيسالوجع
    -3- مازلت ياغالي أنقولك غالي وديما مكانك مايطوله والي .ومازلت فيتذكارك ومازلت عاشق في سماع
    أخبارك ومزال طيفك علي المنام أيشارك ومزال قدركفوق عندي عالي ومزلت في مرجاك ومازلت صاين ياعزيز غلاك.
    -4-وكان مانكغالي لاندورك ولانريد نشغل بالي لو كان مانك زين ولو كان مانك من عرب زينين ولوكان
    مانك خير من لخرين مابيك نشقى وندزلك مرسالي
    -5-ماينشدو أمفيتلصحاب ويرايفو أن غبناهم هم عزوتي أوهم لحباب وبيهم أنشدو ظهرنا معروفين خيرة عربناعليهم نرادو الجواب
    -6-أن رافقت رافق جواد في الناس طيب نباهم لا يخالفويوم ميعاد ولا ظيم تنظر أحذاهم ألهم في الكرم صيت أوقات عليك يقسمو من عشاهم فراسينأشداد أن عاديتهم راك واهم.
    -7-النشده واجب والعين ماتحمل فراق الحاجبوالصاحب وده يبقى أقريب كيف خوك أتعده وقت الزعل أيهون عليك ألشده وساعة الفرحتلقاه قبلك طارب.
    -8- سلامي علي لجواد نشكر فيهم أتريس عزفي لحاضر أوفيماضيهم أتريس أيعزو وتريس في المواقف يفزعو مايفزو في الصايبه لايكبكبو ولا أيكزودارو الواجب قبل ماتوصيهم هم كيف تصريف الذهب يندسو صرف الذهب ماهو خسارهفيهم.
    -9-بين العقل وبين جروحه فوق الناس غلاك أبروحه ..بين الصدر وبينأظلوعه مكانك في الصمام أبروحه
    -10-مش كل من يالاي أنديرا صاحب ومش كلمن يلف أنقول مراحب ومش كل حد نمشيله ومش كل حد أنعبره ونحكيله وألي مثيلك فيالعيون أنشيله موحال نطلع في غلاكم ذاهب.
    -11-أنشد علي الزينين ديمهديمه كيف العسل في الريق وقت الضيمه أنشد علي لجواد ديمه دور راهو ولد لجوادمايتحول عز الرفق تلقاه ديمه ديمه.
    -12-لاجفا لاسيه كل يوم ينشد يا نظيفالنيه عليك خاطري..(a)
    -13-فيك شي خلاني صحيح أنعزك وفيك شي حسيتأبحنانه جنبك وفيك شي ماهو عادي وفيك شي شاغلني وشاغل أرقادي ولك شي في قلبي عليكأينادي.
    -14-أعزاز غوالي نزلتو في منازل مانزلهن والي أولي أعزازأتكونوا لاعمركم هنتوا أولا علي أتهونوا ياريت غير الود معاي أتصونوا يعيش قدركمديما مكانه عالي وتبقوا في منازل مانزلهن والي.
    -15-مرات نطرب والمدامعسايله ومرات يوم الفرح نبكي فيه. ومرات نثقل ثقل نقعد شايله ومرات حمل الريش نغلبفيه.ومرات تقرب والموانع حايله ومرات نبعد رغم شوقي ليه.ومرات نسقى والجوابي خاليهومرات نعطش والميه فيه.ومرات نحمل في حمول الزايله ومرات حتي الجرد كايد فيه.ومراتنذهب في خيار القايله ومرات حتى الليل نخبر فيه.
    -16-ياخاطري غلطان فيتفكيرك تحساب يرجوا فيك دارو غيرك.ياخاطري ضنك خايب.ناسك جفو دارو خلاص حبايب.خسارهسنين الشوق فيهم ذايب وخسارة الكلام الحلو في تعبيرك.
    -17-أنتم سندللظهر مش ناسيكم وحق من خلق عزي بيكم..كيف ننساكم والعين مارامت النوم بلاكم وعندينهار العيد يوم لقاكم كيف القمر والشمس ننظر فيكم ماهناك في هالكون من يسواكم.. عزالرفق مشروح عقلي ليكم.
    -18-ويش دارلك ياعين طول أريافك ترجي ماردو عليكأولافك.طال رجاك أبقيتي أبروحك ماعزيز أحذاك . ديمه أمعيط يالعين وراك عليمارميتي.
    -19-أمرايفين حبينا عليك أنمسوا بريافنا ياريت غيرأتحسوا
    -20-تتعب كان درتلهم سريب أذيول الناس صحبتهم دمار أوقات الضيقمافيهم قريب ويبيعوك في وضح النهار. أوروس الناس نيتهم حليب أبهم تعتز جيابتأفخار.أوراهو الزين مو كيف العطيب وعندك عقل ياصاحب أختار.
    -21-هناكالرفيق الباهي ألي طلته كيف الربيع الزاهي.لايخدك لايوم عنك لاهي.ولايجرحك لابالقولولابافعاله.
    -22-رفيقي أمصوقر ماهناك مثيله يصون الرفق من قبل مانشكيله .رفيقي ذراعي..وين الفزع حاضر يجي أمداعي.نرقد ويبقى في سريرواعي.
    -23-ما يوجعك جرح الغريب تنساها وألا ترده.أللي يوجعك جرح الحبيبوقسوته ملامه وصده والدنيا أيقولو مكاتيب مرات يسر ومرات شده وماعيب خاطي العيب هوخونت أصحاب موده.
    -24-عد الخطا بيناتنا ماباعدك من بالي مازلت في الخاطرعزيز وغالي حتي قبل سوالك أشتقنا وحنينالك
    كيف قبل ليك مكانه طيفك رفيق معاناومازال قدرك عالي.
    -25-العين في الشقا من يومها أمطول سريب أهمومهاعذبها رفيق الصوب ومابت عليه أتوب تقول فالغطا مكتوب يخطر عزيز ساعةنومها.


    • أهديك 3 شمعات: شمعه حياتي و شمعه تضيء طريقك و شمعه تحرق خشمك
    • أرجوك لا تتركني تعودت على صدرك الحنون المرسل: فانيلتك القديمة

    1_انا وصاحبي والذيب ترافقنا وتعاهدنا ما نخلي للخوف داعي ,وصاحبي مايجيه النوم الا على ذراعي...........خفت لا الذيب يغدرني وخوفي يهيج اوجاعي ,فقت من نومي مفزوع لقيت الذيب حارسني وصاحبي قاطع ذراعي..!

    2_مرات تبدا القرش ماتكسابه..ومرات تبدا القرش تلعب بيه...مرات تسكن في عقاب خرابه ومراتتبني قصر وتعليه...مرات كيف الزرع تبدا صابه..ومرات قش الريح ينفخ فيه...وفيسع يمر العمر شن تحسابه وتنزل تجي للقبر تسكن فيه...خليك ديما شخص ليه مهابه وهلي بعد عالدين ماتماريه...وتبع نبينا كون كيف اصحابه..وراجع كتاب الله واقرا فيه.

    3_عيب الدهر ماعنده اصحاب و عيب الوقت ماعنده رفيق..وعيب النار تشعل من شرار وماتنطفاش الا بالغريق...وعيب الفم نقلان الكلام وفي الزلات اكثر ما يزيد..وعيب الناس تحكي في القفا وماتذكرش ميزات الرفيق...وعيب الوقت في ايام الزها وبين سطورها ياما تكيد ...وعيب البشر يطعن في القفا ولما تقابله يولي صديق ...يدوم الصدق ويدوم الوفا اما الكذب في لحظه يغيب.

    4_عاشر صقر لا تصاحب عقاب يثمر فيه لا ينكر جميل.....حتى كان طلقته وغاب يبقى حر مايبقى ظليل.

    5_حمال نحمل في مواجع عده وبكاي ديما دمع مني سايل, وشيال نشيل العنا ونقده ومحروم ديما البخت عندي مايل, وصبار نصبر عالكدر والغده وسكات نزمط في كثير علايل...وفزاع نفزع في الرخا و الشده وادبار مانسمع بقولة قايل ونعد في الحشومه مالعيب نرده ونصون الرفيق وماعليه نحايل.

    6_مش عادتي التقصير ..ومش عادتي ننكر جميل الغير..ولا نقول نفعل ولا نقول ندير...يجي يوم تلقاني نهار العازه...نهار فيه ماتلقاش فاعل خير...تبان الخوت ويظهروا الهدرازه.

    7_قال الصبر مانقدر ندوم...كيلك هم يطلفح جمام...عليك الدهر مابطل هجوم...حياتك حرب مافيها سلام...وبحرك فيه مانقدر نعوم,بحر غريق معبا الغام...كيف الراي ياغالي السوم؟وكيف الحل يا سمح البسام؟

    8_مشكل نبع نشربوا من ماه,ولا كل بيت ناكلوا من زاده..ولا كل قلب يرضينا غلاه ولا كل ميعاد تغرينا جلسة اصحابه...انتم البدر اللي تنفسنا هواه وانتم النجع اللي شبعنا بزاده وانتم الود اللي ارتحنا
    ولا يوم رينا كيفكم رفاقه.

    9_مرات نبقى في الحياه طربان ومرات نبقى مالزعل موجوع...ومرات نبعد عالاحباب زمان ومرات نرجع بالحنين رجوع...ومرات ليلي نرقده مرتاح ومرات نرميه الغطا مفجوع...ومرات نعطي للظلام امان ومرات من المغرب ندير شموع...ومرات نبكي بالدموع ايام ومرات من ضحكي تسيل دموع.

    10_نسهر مع طيفك خيال يجيني..اللي يرتسم لحظات ويناجيني..عندي سرحه وعندي مع ذكراك حزن وفرحه...وعندي احساس غريب يصعب شرحه...بعد يختفي طيفك يزيد حنيني.

    11_تنهدت والتنهيد قلبي ضره,والرخص من بعد الغلا ما حره ,والالم ساكن والوجيعه مره ,والصبر حبل ما قدرت نجره , واللي وجعني ما وجعته مره.

    12_يا سعد من يكافي ودك وين تعتز قبل الطياح يشدك...وين تبكي يمسح الموع من خدك وان عاديته يمــــــــــــــــــوت ولا يجي ضدك.

    13_مادرتها من قبل ماهب ليا
    ولا نديرها خونت عزيز عليا
    مادرتها من قبل ولا نرخي مع غالي في يوم الحبل....اللي باعني نخبط عليه الطبل واللي حبني ياخد الروح هديه

    14_احنا شواطينا لهم سخرنا وهم في الشواطب الجافيات يغوصوا...يا عيبنا دسينا, ياعيب في الغاليين علينا ,هم عارفيين وما يحسوا بينا ...نحنا نسهروا ونعسوا نجحدوا ونداروا والخوف نشكوا همنا نحتاروا تقول بالتعني جرحنا يختاروا وهم يشبحوا بالعين مايتوصوا.

    15_ياصاحبي صعبت علينا العيشه..محصور ديما وخاطري في شيشه...صعبت علينا وخابت ...شاقي ورا الايام كبدي ذابت...راحت الشرهه والزهاوي غابت ومهناش غير الكدر والتغشيشه...وجابت الدنيا العافنه ماجابت في حجر اعوج حطت الايام قشيشه

    16لو كان حظي في الحياه كي همي مايوم نتعفلق ونحرق دمي
    لو كان حظي باهي ..ولو كان عني القسم ماهو ساهي راني سعيد الحال ديما زاهي

    17العظم ينكسر ويعيب لكن يبرا الا كسرة الخاطر مصيبه غبرا..العظم ينكسر ويعيب ويجبر ويبرا على ايدين طبيب الا كسرة الخاطر ادير الشيب تخلي كبير القدر يبكي بعبرا

    18_ياخاطري غلطان في تفكيرك تحساب يرجوا فيك داروا غيرك...ياخاطري ظنك خايب...ناسك جفوا داروا خلاص حبايب...خساره سنين الشوق فيهم ذايب وخساره الكلام الحلو في تعبيرك

    19_مازلت نا القريب..ومازلت قاعد مانويت نغيب...وحالف معاكم ماندير العيب...يلي غلاكم للجروح شفاء...وان ضاق حالي مانزور طبيب...عندي حظور الغاليين دوا

    20_بلا خوت ماتقدرها الدنيا صعيبه كان جاك خبرها...بلا خوت مالك هيبه...وبلا خوت ماتسوى تراب زريبه....بلا خوت مالك والي لأنك حبيب الناس ولأنك غالي

    21_ناس نشوفها كل يوم لا موعد ولا شوق بس اقدار وناس غايبه بس لها بالقلب مقدار ناس تفكرهم يسعدوك وناس تفكر كيف تقدر تبكيك..لا تشتري من حاولوا يخسروك ولا تخسر اللي فكر بيوم يشتريك...مافي اجمل من صديق يصونك ولا اقسى من قريب يعاديك...اكبر قهر في ناس يبونك وانت تبيهم بس حظك لعب فيك

    22_مازلت نرجى فيك لين تجي ومازلت في عهدي كتيم اسرار ومازلت واضح كيف ظنك بي وعمري وراك نكمله صبار انا مسامحك مابغيت منك شي مفوت مواجع كاثرات كبار..وانا مسامحك مابغيت منك شي مفوت مواجع كاثرات كبار وانا للسلام مادد قداك ايدي وماعمرني كافيت باللي صار وديما على شانك نزيد اقدار..خفت نتكلم تنقلب الاخبار.




    صقع عليك .....مش نا اللي نشتاقلك وانجيك.....مهما عليا اتغيب

    انعيش بلاك....... ونبدا على النسيان لو ننساك

    نفسي عزيزة ما اطيح احداك.....ولا تشوف دمعة حزن بين ايديك

    نضحك ونلعب كان صار جفاك..... واندير غيرك مكر ننكر فيك

    نمنع عليك الشحن يا نقالي لو ما رسايل جبتلي من الغالي انسكر عليك الصوت وما عاد نشريلك من جديد اكروت وانكسرك وانديرلك تابوت ونرميك فى الوطن البعيد الخالي

    تغيرت كنك لا غلا لا حن
    قول خاطرى جدت عليك جديده
    ساعة فراغك ماعليا اترن
    وداير غلاى اليوم للتكسيده
    خليتنى مابين شك وظن
    وعقلى تولع جابها البعيده
    غير قولى داير سريب لمن
    وكم صيد عندك صبت فى تصييده
    تضحك وعندك فى المشاعر فن
    ومتلت دورك زين فى التكبيده
    خليتنى هايم وليك ننجن
    ونرسم معاك احلامنا السعيده
    الله ايسامحك عيونى عليك بكن
    ومن كتر همى درت هالقصيده


    بعد قربك ما نبى قروب انكسر نقالى وانتوب

    عزيز امخلفلي حوسات¤¤¤اكمامي ديما مبلولات


    اتغيبو عن العين.بس غلاكم بالقلب نابت .. وكل شي بالدنيا يتغير . الا غلاكم ثابت
    ***
    ابعثلـي حـتـى مـرسـال فــي وطــن الـشـوق ايصبـرنـي
    مـــادام اغـيـابـك مـــازال طـمــن قـلـبـي ياهـاجـرنـي
    يكفيـنـي حارمـنـي شـوفــك ماتـبـخـل حـتــى بـحـروفـك
    ديـمـا تـسـبـل بـظـروفـك نـــاوي عالـفـرقـة تجـبـرنـي
    ***
    فكر قبل تعوم بحرنا ماتقدر كم مركب قبلك كسرنا
    فكر قبل الموج يردك خود نصيحه والزم حدك
    عدى وين هواك يشدك طال سهرنا واجد غير عليك اصبرنا
    فكر قبل اتلوم علينا خايف تحصل بين ايدينا
    قبلك واجد ياما رينا وياما درنا لين الصوب عليه كبرنا
    فكر قبل اتزيد الدوه وقبل الموج يشيلك جوه
    وتبقى لاحول ولاقوة فيك احترن ا راهو كان اغرقت اعدرنا
    ***
    بين عروقي... بعد ايام العزا في يوم فروقي ... لو ايدوروا غلاك يلقوه بين عروقي
    ***
    لو طاوعك عقلك على نسيانى ماننساه صوبك يا رفيقى الدانى
    مانى ناسي ثابت على مبداى ديما راسي
    وين يجبدو طاريك نرفع راسي حد الغلا صوبك وهو عنوانى
    ***
    يا سعد من عنده صاحب يوده
    يعتر وقبل الطياح يشده
    وين يبكي يمسح الدموع من خده
    يموت ولا يجي في يوم ضده
    ***
    نين رقدنا مسج من الغوالى مادخل وردنا راجيت انا ولليل
    ***
    قول اشحالك ...ياعزيز ماظنى خطاء درنالك...حتى امجامله رحب وقول اشحالك
    ***
    نامي توا وحقك عليا الصبح كي يضوا نشيلك لهم يا عين نامي توا
    ***
    خان غلاي وقسمي لطه** **خنجر بين اضلوعي حطه
    ***
    الي ما قاس النار ايقول----امغير اصبر شده وتزول
    ***
    عزيز اقسامه ريح خريف** **ايطلن ماتعرفهن كيف
    ***
    يالقديم علاش تعارك .. درت جديد تعال وبـارك
    يالقديم علاش ترقع .. درنـا صوب جديد أمصقع
    ***
    احلام سعيدة... و كوابيس بعيدة ... ونوم العوافي .. في فراش دافي ... وتصبح علي مزاج صافي...
    ***
    طشان خاطري ماهو عطش لمية .... عطشان لغالي بعيد عليا ... ارويني يشوفتك
    ***
    اشتقتلك ياللي تناسيت ... ما سألت حي ولا توفيت ... حتي برسايلك عني تخليت...
    ***
    شن صايرلك ... لا عبت فيك ولا خطا دايرلك .... اطنش عليا ليش
    ***
    يللي اديرولي في رنة يجعلكم من سكان الجنة و نحضر كسوتكم و الحنة....
    ***
    سلامي عليهم طيبين العشرة أصحاب الوفا نبصملهم بالعشرة ....
    ***
    رضى الله عنك و أرضاك و هداك و أغناك و عافاك و شفاك ووفقك لخير
    الدعاء و أجاب لك الرجاء و أحبك بلا إبتلاء و جعلك ساعيا للخير مؤثرا في الغير .......
    ***
    صعبة و مرة في طريق الشقاء و الياس درنا جره الدنيا غير الغوالي صعبة مرة ........
    ***
    ربي اسألك ان تسعد حالها و تريح بالها و تحقق جميع امالها ولا تحرمني ودها و سؤالها......
    ***
    ماكيف زولك شيء ،،، حدود غايتي نهدرز حداك شوي،،،،، مشتاق شوفتك يللي عزيز علي،،،،،
    ***
    غلاكم عندي ما ينصد ...عزاز بجد ..... شغلتوا الخاطر لين انهد .....
    ***
    زينك زين ...... و حق الغلا مازلتي نور العين ....غالية على لو كان تمشي وين .....
    ***
    يا مشناها .... تبيخ و تبقى فاقدة معناها .... الدنيا بلا الاصحاب يا مشناها .......
    ***
    شوقي عالنقال اندزه .... يمشي شور حبيب انعزه.....
    ***
    طيبة و حنان و دوق فيك تلاقن....كان غيرهن الانظار ما يشتاقن ....
    ***
    نلقى غيره ... انفتش و نتعب و تزيد عندي الحيرة ... ما ظني غلاكم يوم نلقى غيره...
    ***
    غوالي ما لحظة خطيتوني دوم اتجوني بين النوم و بين عيوني
    ***
    ماهو رايق لا طاق العرب لا عاد روحه طايق بلاك العقل ماهو رايق
    ***
    أمانة لا تلوم القلب ادا حصل منه اي تقصير مقامك بالقلب ما يحتاج شرح و تفسير
    ***
    تصدقي انك منحطة.........و الله انك منحطة هلبة ........و الله منحطة وسط قلبي لين انموت
    ***
    قدرك غالي لا هنت لا تنهان ديمة غالي و صاحب مكانة ما وصلها والي ......
    ***
    انت وصفك وحيد و غلاك في قلبي أكيد و ما أضنه يتغير و لو يتغير يزيد
    ***
    هلبة هلبة بالندير الزميطة درت الحلبة تلخبط العقل معاك هلبة هلبة ......
    **
    خاطرك وسط القلب ماريت مثيله.... حتى لو حاولت صعب عليا نشيله ..... و هو شيء صعب هلبة في توصيفه ... يللي خاطرك مالقيتش مثيله......
    ***
    غلاكم متمكن جوانا شاد ماكنا من غير جمايل ليبيانا....
    ***
    مازال فيك الخير ترايف و تنشد و قلبك حنون كبير مايوم خاب ظني ........
    ***
    حتى كان سلامك رنة سلمك نشادة يا حنة ....
    ***
    يا الحنون اعربيلي ادا كان الغلا مرفوع ليش غيابك ناصبلي ......
    ***
    عندك ميزة و حق من خلق الكون عزيزة في القلب جوا الكبد عندك ميزة .......
    ***
    العيد عالابواب و ان ما كبرت ما بتصغر بقى كل عام و انتي بخير و شكلين ما بحكي
    ***
    مبروك عيدك يا عزيز علينا و نرجوا سماحك كان فيك خطينا و عساكم من عواده ....
    ***
    الله يجعلك شمعة في حوش اماليك و العيد الجاي عروسة في حوش من يبيك و كل سنة و انتم طيبيين
    ***
    يا قمر يا دنيا جديدة يا أحلى أبيات القصيدة عيدك مبارك و ايامك سعيدة ....
    ***
    لي أخت أفتخر فيها ....و ما يكتمل عيدي لين اهنيها كل عام و انتي بألف خير
    ***
    حب و تهاني نبعت و ندز و مبروك نجاحك يللي عليا اتعز و ان شاء الله في الفرحة الكبيرة انشوفوك دكتورة
    ***
    لو جرحنا و انجرحنا خلنا ننسى و نتناسا ...... المهم نبدأ سنة جديدة و القلوب فيها وناسة .....
    ***
    ياخذ غلا وزياده ... ومعاهن وفاء غصبن علي حساده ... اللي كيفكم
    ***
    ماتجافونا ... من كثرت غلاكم في المنام اتجونا .... غاليين غلا ماصار هبلتونا
    ***
    اسماه الخايب ... اللي يزعلك خاسر امغير حسايب ... وغاضب الله عليه
    ***
    اعزاز غلاهم مالاحد .... انكان يهد ... يغرق بنغازي ويرد
    ***
    غلاكم عندي عالي القيمة .... هكي ديمة ... يصعب عالعالم تهديمة
    ***
    شن صايرلك ... لا عبت فيك ولا خطا دايرلك .... اطنش عليا ليش
    ***
    لو كان يقربوا البعاد .... نعزم الصين وكوريا وتشاد ... واندير كسكسو
    ***
    اسألوا علينا يامحسنين .... والله مشتاقين ... يخرب بيت الشوق اللي خلانا شحاتين
    ***
    فرقت حالي ..... يشرد دقيقه ويرد لي موالي ... عقلي بلا لولاف فرقة حالي
    ***
    انعيش بلاك....... ونبدا على النسيان لو ننساك
    ***
    نفسي عزيزة ما اطيح احداك.....ولا تشوف دمعة حزن بين ايديك
    ***
    نضحك ونلعب كان صار جفاك..... واندير غيرك مكر ننكر فيك
    ***
    علي استولي
    ملك خاطري وفي القلب كون دوله
    الغالي سكن فيا
    وعلي استولي
    ***
    يحسابوه غلاك شويه
    حيه عليا
    يزاحم في الكبد وفي الريه
    ***
    روفي عليا ياامنـاي وحنـي ... صبري كمل مرسولكم مستنـي
    ***
    كثرن سبايلهم وبان جفاهم ## قسمي على الخالق انعيش بلاهم
    ***
    مالك ومال غرامه خلى العقل متريح عقاب ايامه بلا مناشبه
    ***
    لوكنت نعلم قبل قلبك قاسي ... لاشقيت بيك ولا وجعني راسي
    ***
    شـــــــــــــــــــــــــــــــاري المعزة منك انودك صحيح وما انخيب ظنك

    شــــــــــــــــــــــــــــــاري ربيع ارضاك لانزعلك ولا نطيق طول جفاك

    انسلم عليك بشوق كي نلقاك وكي تغيب نرسلك وننشد عنك
    ***
    مهما جديد انجدد ... هو غايتي ونا عليه امكبد .... قديم الغلا
    ***
    ناكل نا وياه امقطع بيش غلانا مايتقطع
    ناكل نا وياه دشيشه بيش انعيشو احلى عيشه
    ***
    بـكـَـت بكـّــتني بـكِــيـت بــكـيــة بــكـّـت اللــي سـكـّـتـني
    اعزاز وين عالعين اخطرو
    ***
    يا مزكومـ القلب عندك والعقل أيحوم شن خليتلى بالله يا مزكومـ
    ***
    ناااس أعزاز لغوها الرنه انشاءالله موش زعاله منا
    ***
    عطــانا ربــي وسعــت بال انشيلو في اللي ما ينشــال ..
    ***
    عالخير تصبح يا رهيـف احساسك نوم العوافــي وقلوبنا حراســك
    ***
    اتجي في بالك اترايف عليا ورنتي تحلاللك ياريتني نخطر وانجي في بالك
    ***
    ديما خليها في ضنك غالي مانستغنى عنك
    ***
    جيتك يا العزيز مرايف لامتحشم لانى خايف
    ***
    انا والعين خطا مادرنا ويش الللي خلاه هجرنا
    ***
    كان قطعت عليها الحن العين تشيل نظرها لمن
    ***
    على خاطرك يازين درت قصيدة وعطيتها من القلب ليك وديدة
    ***
    نا ولعين هرايج ديمة***كلة ماللوعة القديمة
    ***
    يا البعيد العقل معاك***وديعة نين ايصير دناك
    ***
    طبيب جروحي يا مقساه**منين لمسني طرت معاه
    ***
    نحلف والناس تزكيني***راك بلا عقل مخليني
    ***
    في صوبك ماني مهتزة***وين يجيني الياس أنلزة
    ***
    ناس يسدك غير نباهم***يابال القعدة يالاهم
    ***
    ننشد في فسار منامي *** قال ابكي ما في قسامي
    ***
    قبل اطمعنا في تغفايا *** طارت وين قديم تهايا
    ***
    اندودش فى اريافى دوديش***على ملقاكم بيش انعيش
    ***
    غلاكم يا الولاف تمكن**نين اعروق القلب انفكن
    ***
    كبدي علي النيران شووها*** قدامي ذابت خلوها
    ***
    شلتك فوق ارموش اعيوني*** خنت وخانت فيك اضننوني
    ***
    أمرايف عليك أرياف ملا حـــــد .......... اعطف عليــا ياعـزيــــــز ورد
    ***
    أفتح على رنــــــــــاتـــــــــــــى .......... بالك أنروق أيوقفــن دمعاتــى
    ***
    تمن بلاك أمكسـدات أوقاتـــــى .......... ماعرفت من غيرك عليش أنبـد
    ***
    غزانى الياس أجتاح كل ليلاتى .......... صدمنى جفاك أبقيت ناقص ود
    ***
    غلبنى الهم أحتل كل حياتـــــى .......... كيف نغلبه وانت معاه سنــــــــد
    ***
    سلمتلك رفعتهن راياتـــــــــــى .......... كيف أنتحمل كل يوم نكــــــــــــد
    ***
    أمغير رد توا أونوعدك بالأتـى .......... أيعاود غلانا كيف قبل أيــــــــرد
    ***
    وماعاد فيك أنرهن سياتــــــى .......... أوماعاد سياتك عليك أنعـــــــــد
    ***
    غلاكم كي ميرات الجد انموت وما نعطيه الحد
    ***
    يا لولاف انريد ونسكم كل اثنين انشم نفسكم
    ***
    صاحب صوب ومرزي منه.... ماخلالي حتى رنة
    ***
    كل نهار ايزيد غلاهم قرعة عيني ماننساهم.
    ***
    ياقاريها انعزك معزة الله عالم بيها يفتح طريقك وين ماتنويها
    ***
    عندي اعزاز ارياف جبدهم قلت انعني مانفقدهم
    ***
    بلاكم مايحلا ميعاد اعزاز ابعاد ارعاهم ياخالق العباد
    ***
    العقل اللي يقدر ينساك خذيته يالعزيز معاك
    ***
    أسمع كان اتريد الزبدة طايح فيك القلب بكبده
    ***
    كان الموت ايزيد غلاكم نقتل روحي في سباكم
    ***
    غلا كم غلا حقانى غلا سكن فى القلي دار مباني
    ***
    نرجى فيك اعطيني رنه ايحط ايدياتك في الجنه
    ***
    الخاطر مايحكي شكلين غلاكم عالراس وعالعين
    ***
    نار المرهون المدسوسه تسطر كيف سطير السوسه
    ***
    ما لحظة غبتو من بالي غير اوقات رصيدي خالي
    ***
    من خالقك يا ويلك يوم لحساب اسموح ما نعطيلك ظلمتني يا غالي من خالقك يا ويلك
    ***
    بعد تنهيدة خطروا غوالي من أوطان بعيدة حاس خاطري لكن بعد تنهيدة
    ***
    امرايف يا مولاي ارياف....علي غفوة فيها الالولاف
    ***
    السر إنك فى الغلاء غالينا السر إنك ياعزيز إتسد يكفى إنك دون العرب تكفينا
    ***
    ماتجافونا ... من كثرت غلاكم في المنام اتجونا .... غاليين غلا ماصار هبلتونا
    ***
    في القلب ساكن ... وفي العيون انشيلك ... امرايف عليك و ساكن ... في القلب ما نحكيلك
    ***
    غوالي و تعزوا عالعين .. متيل غلاكم نلقي وين
    سلامي عليكم يا نضاف النية... يا عزاز عيني يا بعيد الدار ...
    سلامي عليكم بالوفا جملية ... علي قد مافي الارض من نوار..
    وعلي قد ما هبت ارياح عشية ... وعلي قد ما رفرف الطير و طار...
    ***
    لو كان يقربوا البعاد .... نعزم الصين وكوريا وتشاد ... واندير كسكسو
    ***
    غلاكم عندي عالي القيمة .... هكي ديمة ... يصعب عالعالم تهديمة
    ***
    اعزاز غلاهم مالاحد .... انكان يهد ... يغرق بنغازي ويرد
    ***
    اسماه الخايب ... اللي يزعلك خاسر امغير حسايب ... وغاضب الله عليه
    ***
    انا اللي نصاحبه بين الظلوع اندسه حتي الهواء لا يقربه لا يمسه
    ***
    غالي و موش أكفاك الجفوة ....غير اوقات اتصير الهفوة][color="#008000"]
    مش كل من حب يحب ابنيه ..
    ولاكل رفقه على الوفاء مبنيه ..
    تلقى اللى يحبوك وتلقى اللى فى الناس مايبوك
    وتلقى اللى بالخير ديما يجوك
    وتلقى اللى فى الطبع كيف الحيه
    ومش كل من حبك يحب ابنيه ...

    مش كل من ضحكللك صاحب اتقول انديره
    وتعبا عليه برفقته مطامن
    ولاكل من جاوريعد الجيره
    ولاكل واحد ينعطا الامان
    وانت !!!!!!!
    انعدك من الناس الخيره
    وعابي عليك برفقتك مطامن


    الخاطر شرب كاس سم اللفاعي وعايش ايداعي ويكمى فعبرات يوم الوداعي
    الخاطر شرب كاس سم الهوايش محسوب موش عايش يكمي فعبرات مر وغشايش
    وعقلي بعد رزنتا تم طايش امخرب اطباعي ايجيب صورتك حتى وان ضل واعي

    ==========================================

    اطلب تمنى ياربيع العمر ادلل عليا وزاد تأمر أمر
    لكن عليا مانهار اتغيب أغيابك عليا كيف لذع الجمر
    يادليل الخاطر ياللي بلاك العقل ديما جاضر
    لحظة بلاك القلب ماهو صابر عمري كتبتة معاك سطر بسطر

    =====================================
    عندي عقل من قل الرفيـق الساعة عام فحسابه اتمـر
    وعندي فكر ذاهب في الطريق بقى محتار مو عارف ايمـر
    وعندي عزم ما ينفع رقيـق لا حمـال لا عمـره صبـر
    وعندي نفس خانقها الضيـق دال الياس غير وين المفـر

    ========================
    حاولت ننسى مـا القيـت عزايـميا مصعب النسيـان عللـي هايـم
    حـاولـت ننـسـى غـــرورك ونبعد عليـك ونتركـك لشعـورك
    لكـن حنينـي شالنـي لبحـورك ولقيت نفسي فـي غريقـك عايـم
    صــعـــب نـسـيــانــك وصعب على غيرك ايجي في مكانك
    بعد مـا روينـا شاربيـن حنانـك نموت بالعطش عالغير صايم صايم

    =================================
    لي قلب امفارق محبوبه يكابر عالجرح اللي فيه
    ماسك دمعاته بهذوبـه يحساب البعـد اينسيـه
    ثاريت النسيان اكذوبـة ماغالي ينسى غاليـه

    ===============================
    مرايفيـن حبينـا عليـك انمسـو بريافنـا ياريـت يـوم اتحـسـوا
    عـلــيــك امـــرايـــف وان كان نشغلك راني ربيع وصايف
    طول اغيابـك يـا حبيبـي خايـف تهجر ونحنـا عالسـراب انرسـو

    ==================================
    نا عندي نفس لاتخون غلاها .... ولا تروم جافي بلا سبب عاداها
    عاشت مع اللي يعرفو مبداها ... لها قدر منهم كل وقت ايجيها
    نافكرتي اتعبر علي معناها.... ماانلومها تحكي على ماضيها
    الدنيا علي كل حال جربناها .... عرفنا وفاها ونقصها اللي فيها

    يهل الشهر يا غالي ..


    وانا اهنيك بقدومه ..


    عساك يا طيب الغالي ..


    بخير وصحه تصومه ..


    أنهنت في حبــك وانا حــر ما أنهان
    والحــر ما يرجع لشخص يهينــه
    والله احبــك حب والقلب ما خان
    حا فظ عهوود الحب يومك تبينه !
    بس للاسف ما أقدر على حب خوان
    يمشى يشيل اسمى وباكر يهينه !!!

    رمضان قريب ويقال:



    إن الشياطين تختفي في رمضان



    بأمانة سأفتقدك !!!



    ليه صرنا مثل الأغراب...خلنا نراجع الأسباب...رمضان صار على الأبواب...خلنا نعيشه وحنا أحباب

    عسى رمضانك مبارك..

    وكل لحظاتك تبارك ..

    وجنة الخلد داري ودارك ..

    والنبي جاري وجارك ..
    *************************



    ابعث سلامي مع الطير..

    واسبق الكل والغير ..

    وأقول لك :

    ((كل رمضان وانت بخير))
    ********************





      الوقت/التاريخ الآن هو السبت 1 نوفمبر 2014 - 9:58