(( قبائل ترهونة المجاهدة ))

[size=18]شعر من ترهونى حر الى كل ابناء مدينتى ترهونة

ياترهونة فيك مهادى **ناس ابوادى **ان صار امنادى **
فرسان وليها من غادى **ومايهابوش لهيب الصادى ** يلزوه اللى يجيها عادى
ترهونة فيك الفرجان ** تريس امعسكر فالميدان **صامد لاذل ولاخان **
لاباع قضيته لاهان **يعاود فى تاريخ زمان **امنين صفو جيوش الطليان**
ترهونة فيك اولاد حمد ** ان جد الجد ** ايهدو مايخافو من حد**
ترهونة فاها الطرشان ** كيف زمان ** ايهدو تريس مع نسوان **
ياترهونة فيك عوامر ** مايخافوش لهيب السامر**ايجاها امغامر ** لاتحت كتيبة لا امر
ترهونة فيك القرقوطى **كانا جاها الغازى ناوى *** يقلب هلى فوقى لوطى
ياترهونة فيك عزيب ** نار لهيب** تريس صعيب**
ترهونة فيك عبانات ** تريس تهنى فالدعكات ** على ثاره مايوم ايبات
هاذيم بن ترهون ياترهونة **ان صار المعيط الوطن ماتو دونه**
نضيف دمهم مافيه ذرة خونة
ياترهونة فيك دراهيب***شى غريب ** يموتو مايرضوش العيب **
ياترهونة فيك دوايم ** دوم الدايم ** كسارين خشوم الضايم
ترهونة فيك الهمالى ** صيته عالى ** ايقابل مايضرب من تالى
ترهونة فيك الحدادى **ناس ابوادى ** لا يخافو ضالم لاعادى
ترهونة فيك مراغين ** الكل فراسين **شجعان وفكاكة دين **
صعيبة عالى خوانين
ترهونة فيك كوانين ** فزاعة وردادة دين** يتكسر ماعمره يلين
فى ترهونة اولاد امعرف ** ناس اتشرف** ايردو الخاين والمتطرف
ترهونة فيك اولاد على ** يردو الغازى وين ايجى ** بشجاعة وبعزم قوى
ترهونة فيك مصابيح ** كلام صحيح**سند لاها مايوم اتطيح
ترهونة فاها البركات ** حموها توا وفى ما فات **وماتهماش حيي لا ممات
ياترهونة فيك صوالح ** يكفو مصراتة عالمالح** وانت جرب كانك فالح
ياترهونة فيك اجلاص ** فرسان وترفع فالراس
ياترهونة فيك نفاشة ** صامد فالجبهة بكلاشه**تريس وللجبهة خشاشة **
ويحول عالقلب غشاشة
ياترهونة فيك اشراف ** مزاوغة ناس اعفاف انظاف ** في الفزعة عمره مايخاف
يا ترهونة فيك حميدات ** فرسان ثباث ** عدوك يخلوه شتات **
يردولك الزها إلي فات ** تريس وما يهمه كان مات ** قصصهم في الماضي معروفات **
في الغازي داروا بطولات
ياترهونة فيك اولاد بوزيد* رجال عز وصناديد